Puyuh ngungkung dina kurung
Disumpitan teu katepi
Siang wengi abdi nguyung
Sok sering kaimpi-impi
Situ saeur parapatan
Jalanna ka alun-alun
Bilih aya kalepatan
Hapunten anu kasuhun
Cai-cai kopi kopi
Peupeujeuh mah dileueuet moal
Calik-calik sareng abdi
Peupeujeuh mah pacaket moal
Marakbak kembang ermawar
Kacampur jeung kacapiring
Sumeblak rasa kamelang
Hate mah teu genah teuing
Kembang culan kembang tanjung
Kembang sagala dongdoman
Rek sabulan rek sataun
Moal weleh diantosan
Samping hideung dina bilik
Kumaha dituhurkeunanan
Abdi nineung ka nu balik
Kamana mapalerkeunana
Ciung lain kerak lain
Japati belang jangjangna
Giruk lain ngewa
lain
Bela pati ti anggalna
Sarikaya kembang laja
Kembang bonteng di astana
Ngarasa anu
tunggara
Dirasa kieu rasana
Ka jami rek ngadon mantun
Ngahariring bari ngawih
Abdi mah alim dikantun
Alim dikantunkeun mulih
Kumaha dicarekna ngejo
Da puguh akar katapang
Kumaha dicarekna nempo
Da puguh nembe patepang
Mega mendung surya surup
Geus samar yen gara-gara
Neda agung nya tawakuf
neja jembar hapuntenna
Ngala suluh sok meunang regang
Dibeungkeutan tali rami
Bilih lami sok teu patepang
Pamugi ulah rek lali
Empang nu teu dipelakaan
Koredas tembong cadasna
Tilas urang gogonjakan
Paturay kantun waasna
Kamana nyiar payung
Sakieu usum poekna
Ka saha nya menta tulung
Sakieu panas hatena
Rincik rincang rincik rincang
Jalanna ka buah
batu
Neda-neda ka Hyang
Agung
Panutan ulah sok
bendu
Cai cai kopi kopi
Cai kopi panas
keneh
Calik calik sareng
abdi
Meungpeung abdi aya
keneh
Kumaha mayunganana
Sangkan ulah
kahujanan
Kumaha nulunganana
Sangkan ulah
kaedanan
Pajar maneh
rek ka huma
Ka cai ngajingjing
kendi
Pajar maneh rek
karunya
Sihoreng bet
nganyenyeri
Tidak ada komentar:
Posting Komentar