sisindiran I

lamun moal ka cipari
kajeun ka limbangan wae
lamun moal sa kanyeri
kajeun rek nyorangan wae

moal pati-pati gaplek
lamun lain solontongan
moal pati-pati daek
lamun lain popotongan

sanajan ditula-tali
moal cara jeung areuyna
sanajan digonta-ganti
moal jiga jeung anjeunna

kapiting katojo bulan
kokosan bantun ti lamping
sapeuting asa sabulan
ngantosan panutan sumping

disangka bahan calana
sihoreng kabaya ngongkon
disangka rek salilana
sihoreng pondok lalakon

sakitu heula ngke disambung deui.
mugia aya mangpaatna